Plataforma en Defensa da Sanidade Pública

Rajoy, Telmo Martín e Feijóo

12.000 toneladas de aceiro, afírmase na páxina web do SERGAS, serán necesarias para levantar o Novo Hospital de Vigo. Chegados a este punto aí están no sitio e no lugar adecuado os "amigos", como Telmo Martín da empresa "Hierros Santa Cruz SL", subcontratando coas grandes concesionarias parte da ferralla da obra.
Este señor, candidato frustrado á alcaldía de Pontevedra e deputado en San Lázaro polo Partido Popular, tivo ademáis a desvergonza de gabar no seu blog de campaña as marabillas do modelo construtivo da Promoción Público-Privada para o Hospital de Pontevedra coa vista posta, claro está, no seu propio beneficio.
En Cataluña queren levar a algún responsable político da Generalitat aos tribunais. Que falta para que se investigue aquí a fondo o caso deste "representante da vontade popular" que aproveita a súa carreira política e as súas relacións privilexiadas co poder para sacar suculentas vantaxes económicas?
Si, investigar e se fai falta xulgar, porque a cidadanía ten dereito a saber se neste tipo de comportamentos indignantes hai responsabilidades penais ou se, en caso de absolución con xurado popular ou sen el, o que realmente está a fallar aquí son as propias bases do SISTEMA.