Plataforma en Defensa da Sanidade Pública

O Proxecto de Orzamentos da Xunta para 2012 tamén contempla unha drástica reducción orzamentaria, que sufrirán na súa carne as catorce Unidades Asistenciais de Drogodependencia, entre as que se encontra a de Cangas que funciona como cabeza de comarca no Morrazo. Para o próximo ano contarán con 3.994.784 euros, un millón menos que no presente exercicio de 2011.
Estes datos resultan ben alarmantes porque poñen aos servizos de drogodependencias no camiño da súa desaparición definitiva. É preciso que desde todos os Concellos se ergan as voces contra esta medida, xa que na prática coloca a Federación Galega de Municipios e Provincias (FEGAMP) na imposibilidade de soster os dispositivos e os recursos humanos que traballan nos centros asistenciais de drogodepencia. De novo son os que máis o necesitan as primeiras e principais vítimas desta política indiscriminada de recortes que está a levar adiante a Xunta de Galicia.