28 oct 2011

postheadericon Manifesto lido na manifestación de Vigo en defensa da sanidade pública

Boas noites á cidadanía de todos os concellos do sur da provincia e do contorno da Ría de Vigo, que hoxe facedes o esforzo de estar de novo aquí nesta gran manifestación, defendendo á Sanidade Pública.
E non estamos sos, esta noite en toda Galicia, hai miles de persoas na rúa como estamos nós.
Grazas a todas e todos os que fixeron posibles estas mobilizacións: Asociacións de Veciños, partidos políticos, asociacións profesionais, de mulleres, sociais, e tódolos sindicatos agás un, o sindicato corporativo médico que decidiu absterse, …como pode alguén absterse diante do recorte de camas e de prestacións á cidadanía?
Esta manifestación supón o reinicio doutras que seguirán NA DEFENSA DA SANIDADE PÚBLICA e fundamentalmente por UN HOSPITAL 100% PÚBLICO E SEN RECORTES para os 600.000 habitantes desta comarca.

Antes de nada queremos amosar a nosa solidariedade cos que sofren máis directamente as consecuencias desta crise creada polos especuladores e poderosos, responsables deste sistema inxusto. Queremos SOLIDARIZARNOS cos 60.000, si 60.000 PARADAS E PARADOS da nosa comarca, por elo o domingo 6 de novembro, ás 12 da mañá, estaremos, todas e todos, outra vez na rúa, na GRAN MANIFESTACIÓN convocada dende a pza de España, onde a cidadanía de Vigo e da súa comarca mobilizarase para esixir un cambio radical, un xiro nas políticas económicas e de emprego, que coloquen como obxectivo central o estímulo da actividade económica, do crecemento económico e, polo tanto, a creación de emprego.
---------------------------------------
A manifestación de hoxe ten que ser o reinicio doutras mais e mais importantes CONTRA O ATAQUE BRUTAL A SANIDADE PÚBLICA; se hoxe temos miles de persoas en listas de espera, peches de camas, quirófanos, urxencias saturadas , dotación insuficiente nos centros de saúde, merma de plantillas debido a non reposición do 100% das vacantes, falta de substitucións e mesmo centros sanitarios o futuro que nos están plantexando e aínda peor. Como exemplo valga os milleiros de persoas sen recursos que deixan sen cobertura sanitaria.
Queren construír un hospital xestionado de forma privada e que custará 1.800 millóns de €. E QUE SERÁ SOMENTES DE 900 CAMAS, e dicir catro veces mais caro do acordado fai 3 anos; privatizando unha parte do persoal, diminuíndo médicos e enfermeiras para facerlle fronte a un canon durante 20 anos que hipotecará a nosa sanidade.
O pasado martes a conselleira de sanidade aseguraba que o hospital tería 1.450 camas, pero a páxina Web de "Hill international”, empresa seleccionada para xestionar a construción do novo o hospital, o desminte e fala de 900 camas, e se temos en conta o peche do Xeral, Cíes, Rebullón e centros de especialidades, ¿que gañamos?.
Temos que facerlle fronte aos que queren converter a Sanidade NUN NEGOCIO en beneficio dos responsables da crise: construtoras, bancos e especuladores. NON NON NON A PRIVATIZACIÓN.
Queremos un Hospital público, cunha soia porta de urxencias para TODA a área sanitaria, con tódalas camas previstas e acordadas entre os profesionais e as forzas sociais, CUN GRAN CENTRO ONCOLÓXICO NO HOSPITAL DO MEIXOEIRO QUE SEXA REFERENCIA PARA TODO O SUR DE GALICIA. Queremos os mellores medios e tódolos profesionais necesarios para atender coa calidade que merecen os nosos veciños e veciñas.
Queremos que a incompetencia remate, comezando pola dimisión da Conselleira de Sanidade sra. Farjas que é incapaz de dicir unha soia verdade. Prometeu UN HOSPITAL PÚBLICO e fai un privado. Prometeu comezar as obras no ano 2009 e acaba de inicialas. Prometeu 5 centros de saúde novos na cidade de Vigo, nesta lexislatura, e nin os licitaron. E o centro de saúde de Navia que colleron xa en marcha e leva meses rematado e sen funcionar. E rematando polo Xerente do hospital incapaz de escoitar a voz dos profesionais e da cidadanía.
Os recortes na Sanidade Pública van sempre en contra da maioría social, en especial contra os mais desfavorecidos, e benefician ás empresas participantes da privatización.
Seguiremos.... Seguiremos.... e seguiremos até acadar unha sanidade pública de calidade para toda á cidadanía.
Vigo, 27 de outubro de 2011
SOS Sanidade Pública
Área de Vigo



Centos de persoas contra a privatización
Publicado en La Voz de Galicia


Vigo encabeza as protestas en defensa da sanidade pública
Publicado en Faro de Vigo

0 comentarios:

SOS Sanidade Pública

C. de Saúde do Hío, XA!

C. de Saúde do Hío, XA!
Xa temos os terreos, e o SERGAS que fai? Enredar.
Queremos médico todo o ano!

Polo CAR para o Morrazo

Redes sociais

Síguenos

100% público

100% público

POVI$A: listas de espera

POVI$A: listas de espera
Pola redución das listas de espera en POVI$A
As listas de espera cirúrxicas de POVI$A son as máis grandes de todos os hospitais de Galicia. Das listas para consultas externas e probas diágnósticas nada se sabe, por estar ocultas á opinión pública.
A Plataforma quere contrastar a campaña de desinformación do SERGAS e de POVI$A cos datos reais aportados pola propia cidadanía, por iso pedimos a súa colaboración.
Reclame en atención ao doente de POVI$A ou acuda á Inspección Médica e póñase en contacto connosco enviándonos unha copia ou unha mensaxe, dirixíndose ao apto. 146 de Cangas ou por email a plataformasanidadecangas
@gmail.com
.

Informe POVISA

Kiko da Silva

Kiko da Silva

Alianza Social do Morrazo

Alianza Social do Morrazo

Páxinas vistas

Powered By Blogger