Plataforma en Defensa da Sanidade Pública

Ante a concentración que mañá Venres día 26, os veciños de Valladares van realizar na Panadería “Cholo”, ante a orde de desaloxo das súas propiedades, a Asociación Galega para a Defensa Sanidade Pública quere:

1. Solidarizarse cos veciños de Beade ante a expropiación dos terreos a prezo de saldo para un negocio privado como o que vai ser a construción do Novo Hospital de Vigo. A AGDSP quere recordar que A Concellería de Sanidade do Goberno Bipartito , tenia consignado preto de 15 millóns de euros para realizar o abono das expropiacións para un terreo de carácter público e para realizar a construción dun Hospital Público .
2. A Concellería de Sanidade da Xunta de PP, realiza un espolio cidadán cun abono de 4,5 millóns de euros, para entregalo a un ente Privado para realizar un Hospital Privado durante 20 anos e cun gran negocio de 1.800 millóns de euros e alugarllo posteriormente á Xunta.
3. Denunciamos non só a entrega dos terreos á empresa Acciona, senón a modificación do Plan Funcional elaborado polos traballadores do Complexo Hospitalario de Vigo no ano 2009 por outro de menor contía e sen contar cos traballadores nin a cidadanía, no que se vai a construír un hospital de 900 camas que non vai liquidar os problemas asistenciais da área sanitaria de Vigo e que hipoteca as necesidades de infraestrutura sanitaria da área e frustra as aspiracións cidadás como se comprobou na manifestación celebrado en Vigo con máis de 60.000 cidadáns, reclamando un HOSPITAL PÚBLICO DE 1496 camas que de cobertura asistencial a toda a área sanitaria de Vigo, incluída a poboación do Morrazo.