Plataforma en Defensa da Sanidade Pública

O pasado dia 13 de abril celebrouse unha manifestación na localidade coruñesa de Ribeira convocada pola Plataforma para a Defensa da Sanidade Pública da Barbanza para rexeitar a privatización do Servizo de Diálese do Hospital, que se pretende adxudicar á Fundación Renal Íñigo Álvarez de Toledo (Friat), que xa presta esta actividade noutros tres hospitais do Sergas.
Esta privatización supón un novo paso na descapitalización do sistema público por parte da Consellería de Sanidade que pondra en mans privadas un servizo hospitalario de enorme transcendencia para os pacientes aos que somete a un risco inaceptable xa que esta Fundación Privada, ademais de utilizar os recursos do hospital público, reduce de xeito importante os recursos, como ocorreu no Hospital de Verín.
Á manifestación acudiron máis de dúas mil persoas e foi unha das máis importantes celebradas nos últimos anos na localidade.
Esta nova movilización vén mostrar, unha vez máis, o rexeitamento de cidadáns e traballadores sanitarios aos plans de deterioración e privatización da Sanidade Pública Galega que leva a cabo o Goberno do PP.