Plataforma en Defensa da Sanidade Pública

A Plataforma SOS Sanidade Pública de Galicia considera que a multitudinaria manifestación celebrada en Ourense pola Plataforma pola Defensa da Sanidade Pública desta localidade á que se sumaron miles de persoas, así como múltiples organizacións sociais, veciñais, sindicais e os alcaldes de 8 municipios da área (incluíndo un do PP), supón un novo rexeitamento cidadán e profesional á política de deterioro e privatización que leva a cabo a Xunta de Galicia e que pon nunha situación límite a sustentabilidade do Sistema Sanitario público na nosa Comunidade Autónoma.
Na práctica totalidade das áreas sanitarias galegas a cidadanía mostrou de xeito multitudinario a súa desconformidade coa privatización da sanidade, o que debe ser escoitado polo goberno galego para dar marcha atrás na súa estratexia política de abrir paso ao sistema privado desmontando o público
Consideramos que situación debería ser tida en conta polos cidadáns, independentemente da súa ideoloxía política, nas próximas eleccións municipais antes de emitir ssu voto , xa que a situación empeza a ser crítica.
O exemplo de Cataluña, onde o novo goberno conservador esta pechado salas enteiras, e quirófanos de hospitais e despedindo a miles de traballadores sanitarios, debe servir de aviso para o que se aveciña logo das eleccións alí onde goberna a dereita. Só a presión cidadá e profesional pode evitar o que se aveciña.