Plataforma en Defensa da Sanidade Pública

É o momento de non encartarse ás repetidas chantaxes e presións de Povisa e aplicar o Acordo Básico pola Saúde na área Sanitaria de Vigo de 25 de Xuño de 2006, asinado pola anterior Consellería de Sanidade , o Conselleiro delegado de Povisa (D. Jose Bernardo Silveira Martin), o presidente da Confederación de Empresarios de Galicia ( D. Antonio Fontenla Ramil), o Vicerreitor de Investigación da Universidade de Vigo (D. José Cidrás Pidre) e os Secretarios Xerais dos Sindicato de UXT, CC.OO e CIG.
Tamén é o momento de retomar as conclusións do “Plan Estratéxico” do CHUVI, con amplo consenso social e político, que expuña, que POVISA pasase a ser un hospital concertado por patoloxías, adecuando o seu persoal á súa carteira de negocios, privados, pacientes dos seus seguros, así como ao 15% da actividade concertada que xere o CHUVI.
Todo isto a xuízo da AGDSP é unha vez mais unha interferencia deste hospital privado no desenvolvemento da sanidade pública da área viguesa, que no seu día interferiu o crecemento do Hospital Xeral, bloqueou o seu desenvolvemento tecnolóxico, conseguiu fai 20 anos que o Hospital do Meixoeiro non tivese as dimensións e servizos previstos e agora unha vez mais pretende obviamente coa conivencia da Conselleria e do SERGAS cuxa xerente formo parte do seu equipo directivo, condicionar o desenvolvemento do Novo Hospital de Vigo, reducindo o número de camas do proxecto, para poder manterse como hospital xeral.
A AGDSP demanda á Conselléira de Sanidade que se manteña o actual concerto mentres non se termine o Novo Hospital de Vigo e reivindica a construción e o dimensionamiento do NHV, proxectado no plan Arquitectónico realizado pola anterior Conselleíia de Sanidade e con Financiamento Público para poder atender á poboación de referencia da área sur de Pontevedra e evitar as chantaxes das empresas subministradoras de servizos, que usan como reféns, aos Pacientes e aos sanitarios do seu propio hospital.