Plataforma en Defensa da Sanidade Pública

José Enrique Sotelo Villar , como voceiro do Grupo Municipal do Partido Popular presenta para o seu debate e aprobación se procede ao Pleno da Corporación, a seguinte MOCION:

EXPOSICION DE MOTIVOS:
O Partido Popular pensa que a situación sanitaria é mellorable, pero dificil explicación ten que determinadas formacións políticas que durante catro anos tiveron a responsabilidade de gobemo e poideron mellorar esta situación non o fixeron, e agora demandan medidas que eles mesmos negáronse a aplicar.
Mención especial merece o caso de POVISA. Os mesmos que agora reclaman que o Morrazo dependa do novo hospital (hospital que se ademais de presentalo ata cinco veces, tomaran algunha medida tendente a axilizar a súa construcción, hoxe as obras estarían iniciadas), antes dicían que do Meixoeiro e logo do Xeral, renovando posteriormente o concerto con POVISA sen modificar para nada as zonas adscritas.
O Partido Popular de Cangas propuxo no seu día entre outras medidas que afectan a sanidade dos cidadáns do noso Concello, a liberdade de elección de hospital dentro da mesma área sanitaria. Esta como outras cuestións foron votadas en contra naquel momento, cando existía un gobemo COM-PACTO con maioría, cuxa misión ademais de arrebatarlle a Alcaldía á forza rnáis votada era facer de amortiguador do goberno bipartito da Xunta.
As circunstancias politicamente mudaron en Galicia, e desde Abril de 2009 o que antes non era problema agora si o é.
Para o Grupo Municipal do Partido Popular en coherencia co que dixo e fixo, independentemente de quen goberne, os problemas cando existen son problemas dos cidadáns e por responsabilidade debernos axudar, aínda que nestes momentos sexa desde a oposición. Por todo elo, e para que ninguén poida utilizar demagoxicamente o novo Hospital de Vigo como hospital de referencia para o Morrazo, facemos a seguinte PROPOSTA DE ACORDO ao Pleno da Corporación:
O Concello de Cangas insta ao SERGAS a que adopte as medidas que permitan no menor prazo posible que os cidadáns do Morrazo poidan elixir calquer hospital dentro da área sanitaria Sur da provincia de Pontevedra.
SRA. ALCALDESA-PRESIDENTA DO ILMO. CONCELLO DE CANGAS